Maronna ...e che sarria 'e sta vita mia...

Marò fammà campà cu Filusufia

Marò fatt' veré ind'a sta vita mia... e si ij nun veco a Te, vireme tu a mme

Marò pe sta tristezza Tu fatt' aurora e rischiaram' stu lumme fin'a ll'urtim'ora

Marò fatt' sole pe ll'allegrezza... Marò e fatte nuvola pa lietezza

Marò fatt' tramunto pa malincunia e scinn' ind'o profund 'e ll'Anima mia

Marò fatt' viento ca scapiglia sta chiomma...

Marò st'inquietudine fammella doma

Marò fatt' o sang ca m'infoca a vena e ca vitalità sti membra me sfrena

Marò fatt' o ciore ca s'arape ngopp o stelo...

Marò fatt' a stella ca me parla dind' o cielo

Marò fatt' o raggio d'argiento ra luna che ispira l'Ammore e a vita profuma

Marò fatt' o raggio d'oro ro sole che ffa fruttà l'Ammore e a vita culora

Marò s'avimm' fridd' Tu fatt' fuoco...

Marò ma se jamm' a ffuoco Tu fatt' viento

Marò pe chesta sete Tu fatt' pioggia...

Marò e si nun basta fatt' tempesta

Marò fatt' a luna che rischiar' a notte

...e guardace dind a ll'uocchie quann ven' a morte

Marò fall' Aria e Fuoco st' Anima mia che sfuria e s'infoca e o drag' suggioga !